چائنا میڈیا گروپ نے نیشنل ڈیولپمنٹ اینڈ ریفارم کمیشن، سینٹرل سائبر اسپیس ایڈمنسٹریشن، اور شنگھائی میونسپل پیپلز گورنمنٹ کے ساتھ مل کر 18 جولائی کو شنگھائی میں "2026 چائنا اے آئی گالا”اور "گلوبل اسمارٹ اینڈ وزڈم پلیٹ فارم ، اے آئی کورپس سینیریو کوآپریشن لسٹ” کی افتتاحی تقریب کا انعقاد کیا۔
کمیونسٹ پارٹی آف چائنا کے مرکزی پبلسٹی ڈیپارٹمنٹ کے ڈپٹی منسٹر اور چائنا میڈیا گروپ کے صدر شین ہائی شیونگ نے تقریب سے خطاب کرتے ہوئے کہا کہ "2026 چائنا اے آئی گالا” کا موضوع "مصنوعی ذہانت، ایک ساتھ” ہوگا۔ یہ گالا بنیادی تحقیق، تکنیکی پیش رفت، اور صنعتی ایپلی کیشنز جیسے شعبوں میں چین کی مصنوعی ذہانت کی تازہ ترین کامیابیوں کا ایک جامع منظر پیش کرے گا۔
شنگھائی شہر اور تمام شراکت داروں کے تعاون سے، سی ایم جی اور نیشنل ڈیولپمنٹ اینڈ ریفارم کمیشن نے "گلوبل اسمارٹ اینڈ وزڈم پلیٹ فارم” کی تعمیر کا آغاز کیا ہے۔ اس کا مقصد اعلیٰ معیار کے مصنوعی ذہانت کے ڈیٹا ذخائر کو عملی منظرناموں کے ساتھ گہرائی سے ہم آہنگ کرنا ہے، تاکہ اے آئی ایپلی کیشن اور گورننس کے "چینی ماڈل” کو دنیا کے سامنے پیش کیا جا سکے، چینی طرز کی اے آئی ترقی کا راستہ دکھایا جا سکے، اور چینی حکمت سے پوری دنیا کو فائدہ پہنچایا جا سکے۔ چائنا میڈیا گروپ اس تاریخی موقع سے فائدہ اٹھاتے ہوئے تکنیکی ترقی اور ثقافتی خوشحالی کو یکجا کرے گا، تاکہ مشترکہ طور پر ایک ایسے مستقبل کی تعمیر کی جا سکے جہاں ذہانت اچھائی کو فروغ دے اور اس کے فوائد سب کے لیے عام ہوں۔
تقریب کے دوران، چائنا میڈیا گروپ اور نیشنل ڈیولپمنٹ اینڈ ریفارم کمیشن کے تعاون سے تعمیر کردہ "گلوبل اسمارٹ اینڈ وزڈم پلیٹ فارم” کا باضابطہ آغاز کیا گیا۔
اس موقع پر، چائنا میڈیا گروپ اور شنگھائی میونسپل پیپلز گورنمنٹ نے مشترکہ طور پر "اے آئی کورپس سینیریو کوآپریشن لسٹ”بھی جاری کی۔