پی ایم مودی آج وکست بھارت سنکلپ یاترا کے استفادہ کنندگان سے بات چیت کریں گے

نئی دلی۔ 26؍ دسمبر۔ ایم این این۔ وزیر اعظم نریندر مودی 27 دسمبر کو دوپہر 12:30 بجے ویڈیو کانفرنسنگ کے ذریعے وکست بھارت سنکلپ یاترا کے استفادہ کنندگان سے بات چیت کریں گے۔ وزیر اعظم کے دفتر نے ایک بیان میں کہا کہ وزیر اعظم اس موقع پر اجتماع سے خطاب بھی کریں گے۔ملک بھر سے وکست بھارت سنکلپ یاترا کے ہزاروں استفادہ کنندگان اس پروگرام میں شامل ہوں گے۔ اس پروگرام میں مرکزی وزراء، ارکان پارلیمنٹ، ایم ایل ایز اور مقامی سطح کے نمائندے بھی شرکت کریں گے۔15 نومبر 2023 کو اس کے آغاز کے بعد سے، پی ایم مودی نے پورے ملک میں وکشٹ بھارت سنکلپ یاترا کے استفادہ کنندگان کے ساتھ باقاعدگی سے بات چیت کی ہے۔ اس کے علاوہ، پی ایم مودی نے وارانسی کے اپنے حالیہ دورہ کے دوران مسلسل دو دن (17 اور 18 دسمبر) کو وکست بھارت سنکلپ یاترا سے فائدہ اٹھانے والوں سے جسمانی طور پر بات چیت کی ہے۔