نئی دہلی، 9 جون (ہ س)۔
وزیر اعظم کے طور پر، نریندر مودی نے اتوار کو تیسری بار عہدے اور رازداری کا حلف لیا۔ ان کے ساتھ آج 30 ارکان پارلیمنٹ نے کابینہ کے وزراء اور 5 ارکان پارلیمنٹ نے وزیر مملکت (آزادانہ چارج) کے طور پر حلف لیا۔ سب نے ہندی میں حلف لیا۔
مودی 2.0 میں شامل زیادہ تر وزرا اس بار بھی کابینہ میں شامل ہیں۔ سرکردہ تین لیڈروں میں راج ناتھ، امت شاہ اور نتن گڈکری شامل تھے۔ اس کے بعد بی جے پی صدر جے پی نڈا اور مدھیہ پردیش کے سابق وزیر اعلیٰ شیوراج سنگھ چوہان نے حلف لیا۔ نڈا مودی 1.0 میں وزیر رہ چکے ہیں جبکہ چوہان کو پہلی بار مرکز میں وزیر بنایا گیا ہے۔
اس کے بعد نرملا سیتا رمن اور ڈاکٹر سبرامنیم جے شنکر نے حلف لیا۔ مودی 2.0 میں دونوں بالترتیب وزیر خزانہ اور خارجہ رہ چکے ہیں۔ امکان ہے کہ اس بار بھی دونوں کو و ہی عہدہ ملے گا۔ دونوں نے انگریزی میں حلف لیا۔ ہریانہ کے سابق وزیر اعلیٰ منوہر لال کھٹر اس بار کرنال سے منتخب ہوئے ہیں اور انہیں بھی اس بار کابینہ میں جگہ ملی ہے۔ منوہر لال ایس جے شنکر کے بعد حلف لیا۔
این ڈی اے کے حلیفوں میں ایچ ڈی کمارسوامی سب سے پہلے حلف لینے والے تھے۔ وہ سابق وزیر اعظم ایچ ڈی دیوے گوڑا کے بیٹے ہیں۔ انہوں نے انگریزی میں حلف لیا۔ ان کے بعد پیوش گوئل اور دھرمیندر پردھان نے حلف لیا۔ گوئل اور پردھان دونوں پچھلی مودی حکومتوں میں وزیر رہ چکے ہیں۔ اس بار گوئل ممبئی نارتھ سے جیت کر لوک سبھا پہنچے ہیں۔ اب تک وہ راجیہ سبھا میں قائد ایوان تھے۔
اس کے بعد این ڈی اے کے اتحادی ہندوستانی عوام مورچہ کے رہنما اور بہار کے سابق وزیر اعلیٰ جیتن رام مانجھی اور جنتا دل (یو) کے رہنما راجیو رنجن سنگھ عرف للن سنگھ نے حلف لیا۔ اس کے بعد آسام کے سابق وزیر اعلیٰ اور پچھلی مودی حکومت میں وزیر سربانند سونووال اور بی جے پی لیڈر ڈاکٹر وریندر کمار نے حلف لیا۔
تلگو دیشم پارٹی کے لیڈر اور تیسری بار رکن پارلیمنٹ کنجراپو رام موہن نائیڈو نے حلف لیا۔ وہ مودی 3.0 میں سب سے کم عمر وزیر بننے جا رہے ہیں۔ ان کے بعد پرہلاد جوشی نے حلف لیا۔ کرناٹک سے تعلق رکھنے والے جوشی پچھلی مودی حکومت میں پارلیمانی امور کے وزیر تھے۔ اس کے بعد جوئل اورم نے وزیر کے عہدے کا حلف لیا۔ اورم اٹل حکومت میں وزیر بھی رہ چکے ہیں اور قبائلی وزارت کے پہلے وزیر تھے۔
اس کے بعد گری راج سنگھ، اشونی وشنو، جیوترادتیہ سندھیا، بھوپیندرا یادو، گجیندر سنگھ شیخاوت، اناپورنا دیوی، کرن رجیجو،??ہردیپ سنگھ پوری، منسکھ منڈاویہ اور جی کشن ریڈی نے حلف لیا۔ یہ سبھی مودی 2.0 میں وزیر بھی رہ چکے ہیں۔ اناپورنا دیوی پچھلی بار ریاستی وزیر تھیں۔ اس بار انہیں وزیر بنایا گیا ہے۔ وہ کابینہ میں شامل دوسری خاتون وزیر تھیں۔ اس کے بعد لوک جن شکتی پارٹی کے چراغ پاسوان اور نوساری سے ایم پی بنے سی آر پاٹل نے حلف لیا۔اس کے بعد راؤ اندرجیت سنگھ، ڈاکٹر جتیندر سنگھ، ارجن رام میگھوال، پرتاپراؤ جادھو اور جینت چودھری نے وزیر مملکت (آزادانہ چارج) کے طور پر حلف لیا۔
مودی 3.0 میں تیس کابینہ وزیر، شیوراج اور نڈا بھی حکومت کا حصہ بنے
