سعودی عرب کے العربیہ ٹی وی نے 8 تاریخ کو خبر دی کہ شام کے وزیر اعظم محمد غازی الجلالی نے اسی دن کہا کہ انہوں نے حزب اختلاف سے رابطہ کیا ہے اور فریقین نے سرکاری اداروں کے تحفظ پر اتفاق کیا ہے۔
العربیہ ٹیلی ویژن نے جلالی کے حوالے سے بتایا ہے کہ شامی کابینہ کے زیادہ تر وزراء دارالحکومت دمشق میں موجود ہیں اور شامی حکومت عملے کو اپنے عہدوں پر واپس لانے کی کوشش کر رہی ہے ۔ انہوں نے امید ظاہر کی کہ تمام شامی فریق "مفاہمت” حاصل کر لیں گے۔
جلالی نے کہا کہ انہیں شام کے صدر بشار الاسد کے کہیں جانے کے بارے میں کوئی علم نہیں ہے۔ بشار الاسد کے ساتھ ان کا آخری رابطہ سات تاریخ کی سہ پہر کو ہوا تھا۔ جلالی نے خود دمشق میں رہنے اور اپنی ذمہ داریاں جاری رکھنے کا فیصلہ کیا ہے ۔
اس کے علاوہ شام کے وزیر مواصلات نے العربیہ ٹیلی ویژن کو دیے گئے ایک انٹرویو میں کہا کہ مقامی نیٹ ورک اچھی حالت میں ہے اور توقع ہے کہ عملہ دو دن کے اندر کام پر واپس آ جائے گا۔