فوری طور پر کشیدگی کم کرنے پر زور دیا
نئی دہلی۔ 22؍جون۔ ایم این این۔ وزیر اعظم نریندر مودی نے اتوار (22 جون) کو ایران کے تین جوہری مقامات پر امریکی حملے کے چند گھنٹے بعد ایرانی صدر مسعود پیزشکیان کو فون کیا۔فون کال کے دوران، پی ایم مودی نے حالیہ کشیدگی پر اپنی ‘ گہری تشویش’ کا اظہار کیا اور فوری طور پر کشیدگی کو کم کرنے، سفارت کاری اور بات چیت پر زور دیا۔پی ایم مودی نے ایکس پر لکھا "ایران کے صدر مسعود پیزشکیان کے ساتھ بات کی۔ ہم نے موجودہ صورتحال کے بارے میں تفصیل سے تبادلہ خیال کیا۔ حالیہ کشیدگی پر گہری تشویش کا اظہار کیا۔ آگے بڑھنے اور علاقائی امن، سلامتی اور استحکام کی جلد بحالی کے لیے فوری طور پر کشیدگی میں کمی، بات چیت اور سفارت کاری کے لیے ہمارے مطالبے کا اعادہ کیا۔