ایران کے بعد بھارت نے ہندوستانی شہریوں کو اسرائیل سے نکالنے کے لیے آپریشن شروع کیا

نئی دہلی۔ 22؍ جون۔ ایم این این۔ذرائع نے بتایا کہ ہندوستان نے اسرائیل سے اپنے شہریوں کو نکالنا شروع کر دیا ہے کیونکہ امریکہ کی جانب سے اتوار کو ایران میں تین جوہری تنصیبات پر حملہ کرنے کے بعد مشرق وسطیٰ میں جاری تنازعہ بڑھ گیا ہے۔وزارت خارجہ  نے اس ہفتے کہا تھا کہ ہندوستان ان ہندوستانی شہریوں کو نکالے گا جو "اسرائیل چھوڑنا چاہتے ہیں”۔اس میں کہا گیا تھا، "ان کے اسرائیل سے ہندوستان تک کے سفر کو زمینی سرحدوں کے ذریعے اور اس کے بعد ہوائی جہاز کے ذریعے ہندوستان تک کی سہولت فراہم کی جائے گی ۔ وزارت خارجہ نے کہا، "حکومت ہند بیرون ملک ہندوستانی شہریوں کی حفاظت اور سلامتی کو سب سے زیادہ ترجیح دیتی ہے۔تمام ہندوستانی شہریوں سے کہا گیا ہے کہ وہ اپنے آپ کو تل ابیب میں ہندوستان کے سفارتخانے کے ساتھ  رجسٹر کرائیں اگر پہلے سے رجسٹرڈ نہیں ہے۔