20 تاریخ کی سہ پہر سی پی سی کی مرکزی کمیٹی کے جنرل سکریٹری، چین کے صدر اور سینٹرل ملٹری کمیشن کے چیئرمین شی جن پھنگ نے شی زانگ میں مختلف قومیتوں اورتمام شعبہ ہائے زندگی کے نمائندوں سے ملاقات کی ۔ انہوں نے پارٹی کی سینٹرل کمیٹی کی جانب سے شی زانگ کے عوام کے لئے نیک تمناؤں کا اظہار کیا اور دلی خواہشات پیش کیں ۔ صدر شی جن پھنگ نے اس امید کا اظہار کیا کہ تمام افراد متحد رہ کر اپنی جدوجہد جاری رکھیں گے تاکہ مشترکہ طور پر شی زانگ میں چینی طرز کی جدیدکاری کا ایک نیا شاندار باب رقم کیا جا سکے ۔ شی جن پھنگ نے شی زانگ کی مدد کرنے والے کارکنان کے نمائندگان ، خود اختیار علاقے اور متعلقہ محکموں کے ذمہ دار ان ، بلدیاتی عہدیداران ، سیاسی اور قانونی کارکنان ، پولیس کے نمائندگان، مذہبی حلقوں میں محب وطن افراد اور ٹیمپل مینجمنٹ کمیٹی کے نمائندگان سے بھی ملاقات کی ۔
اسی رو ز سہ پہر ، شی جن پھنگ نے لہاسا میں تعینات فوجی افسران کے نمائندوں سے ملاقات کے موقع پر پارٹی کی مرکزی کمیٹی اور سینٹرل ملٹری کمیشن کی جانب سے شی زانگ میں تعینات فوج کے تمام افسران اور سپاہیوں سے نیک تمناوں کا اظہار بھی کیا ۔