وزیراعظم مودی نے نیپال کے ہم منصب اولی سے ملاقات کی

 دونوں ملکوں کے بیچ تعلقات کو ‘ گہرے اور خصوصی’ قرار دیا
تیانجن، 31 اگست ۔ ایم این این۔  وزیر اعظم نریندر مودی نے  اتوار کو چین کے شہر تیانجن میں شنگھائی تعاون تنظیم (SCO) کے سربراہی اجلاس کے موقع پر اپنے نیپالی ہم منصب کے پی  شرما اولی سے ملاقات کی۔   دونوں ممالک کے تعلقات کو "گہرے اور بہت خاص” قرار دیا۔ایکس پر شیئر کی گئی ایک پوسٹ میں، پی ایم مودی نے کہاتیانجن میں نیپال کے وزیر اعظم مسٹر کے پی اولی سے مل کر خوشی ہوئی۔ نیپال کے ساتھ ہندوستان کے تعلقات گہرے اور بہت خاص ہیں۔ اس سے پہلےدونوں رہنماؤں کے درمیان آخری ملاقات اپریل میں بنکاک میں بمسٹیک سربراہی اجلاس کے موقع پر ہوئی تھی۔اس سے پہلے دن میں، پی ایم مودی نے ایس سی او سربراہی اجلاس کے موقع پر میانمار کے ریاستی سلامتی اور امن کمیشن کے چیئرمین، سینئر جنرل من آنگ ہلینگ سے ملاقات کی۔ دونوں رہنماؤں نے ہندوستان-میانمار تعلقات کا جائزہ لیا اور دو طرفہ تعاون کے کئی پہلوؤں پر آگے بڑھنے کے راستے پر تبادلہ خیال کیا۔ایکس پر شیئر کیے گئے ایک بیان میں، وزارت امور خارجہ  کے ترجمان رندھیر جیسوال نے کہا  کہوزیراعظم نریندر مودی نے تیانجن، چین میں ایس سی او سربراہی اجلاس کے موقع پر میانمار کے ریاستی سلامتی اور امن کمیشن کے چیئرمین، سینیئر جنرل مسٹر من آنگ ہلینگ سے ملاقات کی۔ رہنماؤں نے بھارت۔میانمار کے درمیان تعلقات کو آگے بڑھانے کے طریقوں پر تبادلہ خیال کیا۔ تجارت، ترقیاتی شراکت داری، دفاع اور سیکورٹی اور بارڈر مینجمنٹ نے میانمار کی ترقیاتی ضروریات کو پورا کرنے کے لیے ہندوستان کی تیاری کا اعادہ کیا۔پی ایم مودی نے اس سے قبل تیانجن میں چینی صدر شی جن پنگ کے ساتھ ملاقات کی۔ دونوں رہنماؤں نے سرحدی علاقوں میں امن و سکون برقرار رکھنے کی اہمیت پر اتفاق کیا اور باہمی احترام، باہمی دلچسپی اور باہمی حساسیت پر مبنی تعاون کے عزم کا اعادہ کیا۔