تاشقند۔ یکم اکتوبر۔ ایم این این۔بھارت اور ازبکستان کے درمیان انسدادِ دہشت گردی پر مشترکہ ورکنگ گروپ کا 9واں اجلاس 30 ستمبر کو تاشقند میں منعقد ہوا۔ اجلاس کی مشترکہ صدارت بھارت کی وزارتِ خارجہ کے جوائنٹ سیکریٹری (کاؤنٹر ٹیررازم) ڈاکٹر وِنود جے. بہاڑے اور ازبکستان کی وزارتِ خارجہ کے شعبہ تعاون برائے جنوبی ایشیا، مشرق وسطیٰ اور افریقہ کے سربراہ گُلومجون پیرمکُلوف نے کی۔اجلاس میں دونوں فریقین نے عالمی اور علاقائی سطح پر دہشت گرد گروہوں کے بڑھتے ہوئے خطرات پر تفصیلی گفتگو کی۔ بات چیت کے دوران ابھرتے ہوئے چیلنجز پر زور دیا گیا جن میں انتہا پسندی اور بنیاد پرستی کا مقابلہ، دہشت گردی کی مالی معاونت کی روک تھام، دہشت گرد مقاصد کے لیے ٹیکنالوجی کے استعمال کو روکنا، سرحد پار منظم جرائم اور دہشت گردی کے درمیان تعلقات، اور دہشت گردوں کی عالمی نقل و حرکت جیسے موضوعات شامل تھے۔
دونوں ممالک نے 22 اپریل 2025 کو پہلگام (جموں و کشمیر) میں بے گناہ شہریوں پر ہونے والے بزدلانہ دہشت گرد حملے کی سخت مذمت کی۔مزید برآں، اجلاس میں انسدادِ دہشت گردی کے شعبے میں دو طرفہ تعاون کو مزید مضبوط بنانے کے اقدامات پر بھی غور کیا گیا، جن میں معلومات کا تبادلہ، استعداد کار میں اضافہ، اور بہترین طریقہ کار کو بانٹنے جیسے نکات شامل تھے۔ دونوں ملکوں نے اس بات پر زور دیا کہ اقوام متحدہ، شنگھائی تعاون تنظیم کے ریجنل اینٹی ٹیررازم اسٹرکچر اور یوریشین گروپ جیسے بین الاقوامی فورمز پر تعاون کو مزید بڑھایا جائے گا۔طے پایا کہ بھارت اور ازبکستان کے درمیان اس مشترکہ ورکنگ گروپ کا اگلا اجلاس بھارت میں کسی موزوں وقت پر منعقد کیا جائے گا۔
بھارت اور ازبکستان کے درمیان انسدادِ دہشت گردی پر مشترکہ ورکنگ گروپ کا 9واں اجلاس تاشقند میں منعقد
