متحدہ عرب امارات کے نائب صدر، وزیر اعظم اور دبئی کے حکمران عزت مآب شیخ محمد بن راشد المکتوم نے 54ویں یوم اتحاد کے موقع پر مختلف قومیتوں سے تعلق رکھنے والے 2025 قیدیوں کی رہائی کا حکم جاری کیا ہے۔
دبئی کے اٹارنی جنرل چانسلر عصام عیسیٰ الحمیّدان نے بتایا کہ یہ فیصلہ شیخ محمد بن راشد کی جانب سے قیدیوں کے اہل خانہ کو خوشی دینے اور انہیں نئی زندگی شروع کرنے کا موقع فراہم کرنے کی خواہش کا مظہر ہے، تاکہ وہ معاشرے میں دوبارہ بہتر طریقے سے ضم ہو سکیں۔
انہوں نے مزید کہا کہ دبئی پبلک پراسیکیوشن اور دبئی پولیس کی مشترکہ کاوشوں سے اس فیصلے پر عمل درآمد کے لیے قانونی کارروائی کا آغاز کر دیا گیا ہے۔