قمری کلینڈر کے مطابق پندرہ تاریخ کی شب لالٹین فیسٹیول منایا جاتا ہے، جب چاند پورا اور لوگ اکٹھے ہوتے ہیں۔ 3 مارچ کی رات 8 بجے چائنا میڈیا گروپ کا ” 2026 لالٹین فیسٹیول گالا” خوشی اور اجتماعیت کے موضوع کے ساتھ پیش کیا جائے گا، جس میں گیت و رقص، اوپیرا، اسکیچ، مزاحیہ مکالمہ اور جادو سمیت مختلف نوعیت کے پروگرام شامل ہوں گے، تاکہ دنیا بھر میں مقیم چینی باشندوں اور بیرون ملک دوستوں کے ساتھ اس تہوار کو منایا جا سکے۔
یہ پروگرام چائنا میڈیا گروپ کے جامع چینل، تفریحی چینل، بین الاقوامی چینل، اوپیرا چینل، موسیقی چینل، نیز 4 کے اور 8 کے الٹرا ہائی ڈیفینیشن چینلز پر نشر کیا جائے گا۔ اس کے علاوہ میوزک ریڈیو، کلاسک میوزک براڈکاسٹ، ادبی ریڈیو، گریٹر بے ایریا کی آواز،آبنائے تائیوان کی آواز، عالمی چینی نشریات اور بحیرہ جنوبی چین کی آواز سمیت مختلف ریڈیو فریکوئنسیز پر بھی نشر ہوگا۔ سی سی ٹی وی نیوز، یانگ ویڈیو، یون ٹنگ ایپ، سی سی ٹی وی ویب سائٹ،سی این آر ویب سائٹ اور سی جی ٹی این ویب سائٹ سمیت نیو میڈیا پلیٹ فارمز پر بیک وقت نشریات سے ناظرین کو روشن اور یادگار شام میں شرکت کی دعوت دی جاتی ہے۔