پردھان منتری دھن۔دھانیا کرشی یوجنا’ کا ایک سال مکمل

نئی دہلی۔ 12؍  اکتوبر۔ ایم این این۔ پردھان منتریدھن۔دھانیا کرشی یوجنا’ (PMDDKY) کے نفاذ کا ایک سال 11 اکتوبر 2026 کو مکمل ہونے پر، حکومتِ ہند کے محکمہ زراعت و بہبودِ کسان نے آج نئی دہلی کے پوسا  میں واقع نیشنل ایگریکلچرل سائنس کمپلیکس  کے ‘ بھارت رتن سی سبرامنیم آڈیٹوریم’ میں اس موقع کی مناسبت سے ایک تقریب کا انعقاد کیا۔ اس تقریب میں مرکزی وزراء، مرکزی وزارتوں؍محکموں کے سیکریٹریز،  پی ایم ڈی ڈی  کے وائی کے تحت مرکزی نوڈل افسران، مرکزی حکومت کے اعلیٰ افسران اور مختلف ریاستوں سے 370 سے زائد مندوبین نے شرکت کی؛ ان مندوبین میں ڈسٹرکٹ کلیکٹرز، ضلعی سطح کے عہدیداران، زرعی سائنسدان اور  ڈی ڈی کے وائی اضلاع کے ترقی پسند کسان شامل تھے۔اجتماع سے خطاب کرتے ہوئے مرکزی وزیر برائے زراعت و بہبودِ کسان اور دیہی ترقی، شری شیوراج سنگھ چوہان نے کہا کہ پہلا سال مضبوط بنیادیں قائم کرنے پر مرکوز رہا، جبکہ آنے والا سال زمینی سطح پر نمایاں اور قابلِ پیمائش نتائج فراہم کرنے کے لیے وقف ہونا چاہیے۔ انہوں نے زرعی پیداواری صلاحیت کو بہتر بنانے، فصلوں کی کاشت کی شدت  میں اضافہ کرنے، آبپاشی اور پانی کے انتظام کو مستحکم کرنے، زرعی قرضوں تک رسائی کو آسان بنانے، زیادہ قدر والی  زراعت کو فروغ دینے، فصل کی کٹائی کے بعد کے بنیادی ڈھانچے کو بہتر بنانے اور کسانوں کی آمدنی میں اضافہ کرنے کی اہمیت پر زور دیا۔شری شیوراج سنگھ چوہان نے اس بات پر زور دیا کہ  پردھان منتری دھن۔ دھانیہ کرشی یوجنا کی کامیابی کا حتمی معیار وہ بامعنی فرق ہوگا جو یہ کسانوں کی زندگیوں میں لائے گی۔ انہوں نے تمام متعلقہ فریقین  سے کہا کہ وہ باہمی رابطہ کاری کو مضبوط بنائیں، نفاذ کے عمل کو تیز کریں اور زرعی نتائج اور فارم کی پائیدار آمدنی میں قابلِ پیمائش بہتری لانے پر توجہ مرکوز کریں۔ متعلقہ وزارتوں/محکموں کی شرکت نے زرعی ترقی کے لیے ایک مربوط اور ‘ مکمل حکومتی نقطہ نظر’  کی اہمیت کو اجاگر کیا۔