سعودی عرب کی وزارت سیاحت نے ٹور ازم کی تعلیم دینے کا ایک منفرد قدم اٹھایا ہے، جس کے تحت سکول اور یونیورسٹی کے طلباء کے لیے سیاحتی شعبے میں معیاری تعلیمی پروگرام منعقد کیے جائیں گے۔
وزارت سیاحت نے ایک بیان میں بتایا کہ اس اقدام کا مقصد بڑے قومی اور بین الاقوامی تعلیمی اداروں کے ساتھ شراکت داری کرنا ہے۔یونیورسٹی کے طلبا کے لیے لیبر مارکیٹ کے لیے درکار اہم مضامین میں داخلہ لینے کے لیے مطالعہ کے مواقع کھولنے، طلبہ میں بیداری پیدا کرنے اور سیاحت کی تعلیم کے راستوں کی طرف ان کے مستقبل کے سفر کو تیار کرنے کی کوشش ہے۔
انہوں نے مزید کہا کہ اس اقدام کے مقاصد سیاحت اور مہمان نوازی کے شعبے میں تعلیم کے معیار کو بلند کرنے، سعودی ہنرمندوں کی مدد اور ان کی صلاحیتوں کو فروغ دینے اور طلباء کو بااختیار بنانے کے ساتھ انہیں سیاحت کے شعبے میں کام کرنے کے لیے اہل بنانا ہے۔
وزارت سیاحت نے کہا ہے کہ اس نے اقدام کو رو بعمل لانے کی خاطر تعاون کی متعدد یادداشتوں پر دستخط کیے گئے ہیں، جن میں شاہ فہد یونیورسٹی آف پیٹرولیم اینڈ منرلز کے ساتھ تعاون کی ایک یادداشت بھی شامل ہے۔