متحدہ عرب امارات کے نائب صدر اور وزیر اعظم عزت مآب شیخ محمد بن راشد المکتوم نے دبئی کے حکمران کی حیثیت سے 2023 کے فرمان نمبر 62 کو دبئی ہیلتھ اتھارٹی کے ڈائریکٹر جنرل کی صدارت میں دبئی کارپوریشن فار ایمبولینس سروسز کے بورڈ کی تشکیل کا حکم نامہ نمبر 62جاری کیاہے۔
دبئی پولیس کے اسسٹنٹ کمانڈر ان چیف برائے ایکسیلینس اینڈ لیڈنگ افیئرز بورڈ کے وائس چیئرمین کی حیثیت سے خدمات انجام دیں گے۔بورڈ کے دیگر ارکان میں دبئی آر ٹی اے کی ٹریفک اینڈ روڈز ایجنسی کے چیف ایگزیکٹو آفیسر کے علاوہ وزارت صحت و روک تھام، دبئی میں جنرل ڈائریکٹوریٹ آف سول ڈیفنس اور دبئی اکیڈمک ہیلتھ کارپوریشن (دبئی ہیلتھ) کا ایک ایک نمائندہ شامل ہے۔ان نمائندوں کے نام ان اداروں کے متعلقہ سربراہان کے ذریعہ نامزد کیے جائیں گے۔ بورڈ میں دبئی کارپوریشن فار ایمبولینس سروسز کے سی ای او بھی شامل ہیں۔یہ فرمان دبئی کارپوریشن فار ایمبولینس سروسز کے بورڈ کی تشکیل سے متعلق 2014 کے فرمان نمبر 25 کو کالعدم قرار دیتا ہے۔