شمالی کوریا کی مرکزی خبر رساں ایجنسی نے آج بدھ کے روز اطلاع دی ہے کہ شمالی کوریا کے رہنما کم جونگ آن نے ملک کی حکمران جماعت کا ایک اہم اجلاس شروع کر دیا ہے، جس میں نئے سال کے لیے سیاسی فیصلوں کی نقاب کشائی کی راہ ہموار ہو گی۔کوریائی ورکرز پارٹی کی آٹھویں مرکزی کمیٹی کا نواں جنرل اجلاس رواں سال کے اختتام پر ہو رہا ہے جس کے دوران بائیکاٹ کی گئی ریاست نے اپنے آئین میں جوہری پالیسی کو شامل کیا اور ایک جاسوس سیٹلائٹ اور ایک نیا بین البراعظمی بیلسٹک میزائل کامیابی سے لانچ کیا۔خیال رہے کہ یہ اجلاس کئی روز تک جاری رہتے ہیں جس میں پارٹی اور حکومتی عہدیدار شرکت کرتے ہیں اور عام طور پر اہم سیاسی اعلانات بھی انہی اجلاسوں کے دوران کیے جاتے ہیں۔ شمالی کوریا کے سرکاری میڈیا نے اجلاس سے قبل نئے سال کی مناسبت پر کم جونگ کی تقریر کو نشر کیا تھا۔شمالی کوریا کی مرکزی خبر رساں ایجنسی نے کہا کہ اجلاس کے شرکاء نے اس کے پہلے دن ایجنڈے کے چھ اہم نکات پر تبادلہ خیال کیا، جن میں رواں سال کی پالیسیوں پر عمل درآمد اور بجٹ، 2024 کے بجٹ کے منصوبے اور پارٹی کی قیادت کو مضبوط کرنے کے طریقے شامل ہیں۔ …)
شمالی کوریا کے رہنما نے 2023 کو "عظیم تبدیلی کا سال” قرار دے دیا
