اننت امبانی اور رادھیکا مرچنٹ کی شادی کی تیاریاں شروع

نئی دہلی۔23؍فروری۔ 2024۔ اننت امبانی اور رادھیکا مرچنٹ شادی کے بندھن میں بندھنے کو تیار ہیں۔ جوڑے کے شادی سے پہلے کی تقریباتلد شروع ہونے والی ہیں۔ حال ہی میں شاہ رخ خان اننت امبانی اور رادھیکا مرچنٹ کی شادی سے پہلے کی تقریب کے لیے جام نگر گئے تھے۔ نیوز 18 کی ایک رپورٹ کے مطابق بالی ووڈ سپر اسٹار نے جوڑے کی شادی میں پرفارمنس کے لیے جام نگر کا دورہ کیا۔ جمعرات، 22 فروری کو ممبئی روانہ ہونے سے پہلے انہوں نے جام نگر میں ایک دن گزارا۔ سوشل میڈیا پر شاہ رخ خان کی ایک ویڈیو وائرل ہو رہی ہے جس میں اداکار جام نگر ایئرپورٹ جاتے ہوئے نظر آ رہے ہیں۔
جام نگر میں ایک دن گزارنے کے بعد شاہ رخ خان کو ایئرپورٹ سے ممبئی جاتے ہوئے دیکھا گیا۔ اس دوران اداکار ہمیشہ کی طرح ڈیشنگ نظر آ رہے تھے۔ تاہم وائرل ہونے والی ویڈیو میں ان کی جھلک دیکھ کر اداکار کو پہچاننا بہت مشکل ہے۔ شاہ رخ خان کو کیمرے کی طرف دیکھے بغیر جلدی میں ایئرپورٹ میں داخل ہوتے دیکھا گیا۔
ریلائنس انڈسٹریز کے چیئرمین مکیش امبانی کے بیٹے اننت امبانی اور اینکور ہیلتھ کیئر کے سی ای او ویرن مرچنٹ کی بیٹی رادھیکا مرچنٹ شادی کے بندھن میں بندھنے کو تیار ہیں۔ جوڑے کے شادی سے پہلے کے فنکشنز یکم مارچ سے شروع ہوں گے۔ اننت امبانی اور رادھیکا مرچنٹ کی شادی کی تیاریو ں کیلئے شہر کو نوبیاہتا دلہن کی طرح سجایا جا رہا ہے۔
گزشتہ سال اننت امبانی اور رادھیکا مرچنٹ نے ممبئی میں منعقدہ گول دھنا تقریب میں منگنی کی تھی۔ گول دھنا تقریب میں موجود مہمانوں کو دھنیا اور گڑ دیا جاتا ہے۔ گجراتی رسم و رواج کے مطابق گول دھنا کو منگنی سمجھا جاتا ہے۔