چین کی "پندرہویں پانچ سالہ منصوبے ” کی جانب پیش قدمی

"پندرہویں پانچ سالہ منصوبے ” کے آغاز کے سال میں منعقد ہونے والے قومی عوامی کانگریس اور چینی عوامی سیاسی مشاورتی کانفرنس کے "دو اجلاس” دنیا کی توجہ کا مرکز بنے ہوئے ہیں اور ان سے گہری توقعات وابستہ ہیں۔جنرل سیکرٹری شی جن پھنگ نے واضح کیا ہے کہ پانچ سالہ منصوبوں کی تیاری اور ان پر عمل درآمد ہماری جماعت کے نظامِ حکمرانی کا ایک اہم تجربہ اور چینی خصوصیات کے حامل سوشلسٹ نظام کی نمایاں سیاسی برتری ہے۔مسلسل پانچ سالہ منصوبوں کی مرحلہ وار پیش رفت کے ساتھ چینی طرز جدیدیت ایک شاندار منظرنامہ پیش کر رہی ہے اور اس کا مستقبل بے حد روشن ہے۔چودہویں پانچ سالہ منصوبے کے دوران ملک کی مجموعی جی ڈی پی بالترتیب 110 ٹریلین یوان، 120 ٹریلین یوان، 130 ٹریلین یوان اور 140 ٹریلین یوان کی چار بڑی منازل عبور کر گئی ہے۔ یہ بھرپور ترقیاتی کارکردگی اس امر کو واضح کرتی ہے کہ چین کی معیشت کی بنیاد مستحکم، برتریاں متنوع، لچک مضبوط اور امکانات وسیع ہیں، اور ایک جامع خاکے کو مسلسل عملی جامہ پہنانے کی طاقت کو بھرپور انداز میں اجاگر کرتی ہے۔پندرہویں پانچ سالہ منصوبے کے عظیم نقشے کو ہدف بناتے ہوئے چینی عوام چینی طرز  جدیدیت کی تعمیر میں نئے باب رقم کرتے رہیں گے۔