وزیرِ اعظم جناب نریندر مودی نے آج تلنگانہ کے یومِ تاسیس کے خصوصی موقع پر ریاست کے عوام کو مبارک باد پیش کی۔
وزیرِ اعظم جناب نریندرمودی نے کہا کہ تلنگانہ کے عوام اپنی اختراعی صلاحیتوں، محنت اور کاروباری جذبے کے لیے جانے جاتے ہیں۔ انہوں نے ریاست کی شاندار تہذیبی و تاریخی وراثت، نیز اس کے عوام کے حوصلے، عزم اور بہادری کو بھی خراجِ تحسین پیش کیا۔ جناب مودی نے اس عزم کا اعادہ کیا کہ مرکزی حکومت، ’’ترقی یافتہ بھارت‘‘ کے خواب کو حقیقت میں تبدیل کرنے کے لیے تلنگانہ کی مسلسل ترقی اور پیش رفت میں ہر ممکن تعاون جاری رکھے گی۔ انہوں نے ریاست کے عوام کی صحت، خوش حالی اور کامیابی کے لیے دعاء بھی کی۔
وزیرِ اعظم نے ایکس پر اپنے پیغام میں کہا:
’’ تلنگانہ کے یومِ تاسیس کے خصوصی موقع پر ریاست کے عوام کو دلی مبارک باد۔ تلنگانہ کے عوام اپنی اختراعی صلاحیتوں، کاروباری جذبے اور نئی راہیں تلاش کرنے کے عزم کے لیے مشہور ہیں۔ یہ ریاست اپنی شاندار تہذیبی وراثت اور ایسی تاریخ کے لیے جانی جاتی ہے جو بہادری، ثابت قدمی اور پختہ عزم سے عبارت ہے۔ مرکزی حکومت ’’ترقی یافتہ بھارت‘‘ کے خواب کو شرمندۂ تعبیر کرنے کے لیے تلنگانہ کی ترقی اور پیش رفت کے سفر میں بھرپور تعاون کے لیے پُرعزم ہے۔ میں ریاست کے عوام کی اچھی صحت، خوش حالی اور کامیابی کے لیے دعا گو ہوں۔‘‘