بھارت-کویت مشترکہ دفاعی کمیٹی (جے ڈی سی) کی افتتاحی میٹنگ 28 اگست 2026 کو نئی دہلی میں ہوئی ۔ دونوں ممالک نے تربیت ، فوجی مشقیں ، فوجی ادویات ، اسٹاف مذاکرات، دفاعی صنعت اور تحقیق و ترقی (آر اینڈ ڈی) سمیت مختلف شعبوں میں دو طرفہ دفاعی تعاون کو مزید مستحکم کرنے پر اتفاق کیا ۔جے ڈی سی کی پہلی میٹنگ ہندوستان اور کویت کے درمیان دفاعی تعاون سے متعلق مفاہمت نامے (ایم او یو) میں بیان کردہ مقاصد کو عملی جامہ پہنانے کی سمت ایک اہم قدم ہے ، جس پر دسمبر 2024 میں ہندوستان کے وزیر اعظم کے کویت کےدورے کے دوران دستخط کیے گئے تھے ۔
اس میٹنگ کی مشترکہ صدارت جوائنٹ سکریٹری جناب امیتابھ پرساد اور پانچ رکنی کویتی وفد کے بریگیڈیئر جنرل رائد السکران نے کی ۔ ہندوستانی وفد میں تینوں افواج ، محکمہ دفاعی پیداوار ، دفاعی تحقیق و ترقی تنظیم (ڈی آر ڈی او) آرمڈ فورسز میڈیکل سروسز اور وزارت خارجہ کے نمائندے شامل تھے ۔
جے ڈی سی کے اجلاس سے پہلے ، بریگیڈیئر جنرل رائد السکران نے نئی دہلی میں نیشنل وار میموریل پر پھولوں کی چادر چڑھائی اور شہید ہیروز کو خراج عقیدت پیش کیا ۔ کویتی وفد نے اپنے دورے کے پہلے دن نئی دہلی میں ڈی پی ایس یو بھون کا دورہ کیا، جہاں باہمی تعاون کے ممکنہ شعبوں پر ہندوستانی دفاعی صنعت کے نمائندوں کے ساتھ بات چیت کی گئی ۔ دورے کے دوسرے دن کویتی وفد کے ساتھ صنعتی بات چیت بھی طے کی گئی ہے ۔
ہندوستان اور کویت کے درمیان روایتی طور پر گرمجوشی پر مبنی دوستانہ تعلقات قائم ہیں، جن کی بنیاد ایسے تاریخی روابط پر ہے جو وقت کی کسوٹی پر پورے اترے ہیں۔ دونوں ممالک کے درمیان سفارتی تعلقات 1962 میں قائم ہوئے تھے ۔ اور دونوں ملکوں کے دوطرفہ تعلقات کو مزید مضبوط اور مستحکم کرنے میں دونوں ممالک کے سفیر کا بہت اہم رول رہا ہے ۔کویت کے بھارت میں سفیر ہز ایکسلنسی مشعل مصطفےٰ الشیمالی کوششوں سے ہم نے دیکھا ہے دوطرفہ تعلقات میں مزید بڑھے ہیں اور دسمبر 2024 میں ہندوستان کے وزیر اعظم کے کویت کے دورے کے دوران تعلقات کو اسٹریٹجک پارٹنرشپ کی سطح تک بڑھایا گیاہے،موجودہ کویت سفیر کی کوششوں سے بھارت اور کویت کے درمیان متعدد شعبوں میںتجارتی، ثقافتی روابط بڑھے ہیں ۔