تریپورہ کی 60 اسمبلی سیٹوں پر ووٹنگ آج

تریپورہ اسمبلی کے لیے آج یعنی جمعرات کو ووٹنگ ہوگی۔ تقریباً ایک مہینے سے چلی آرہی انتخابی تشہیر کا شور منگل کو تھم گیا تھا۔ آج آٹھ اضلاع کے 60 اسمبلی حلقوں میں ووٹنگ ہوگی۔ اس کے لیے 31 خاتون امیواروں سمیت مجموعی طور پر 259 امیدوار میدان میں ہیں۔ پرامن رائے دہی کے لیے چپے چپے پر سیکورٹی اہلکار تعینات کیے گئے ہیں۔ الیکشن آفیسرس نے کہا کہ مرکزی مسلح پولیس فورس (سی اے پی ایف)، تریپورہ اسٹیٹ رائفلس (ٹی ایس آر) اور ریاستی پولیس اہلکاروں کو تعینات کیا گیا ہے۔معلومات کے مطابق تقریباً  2504 مقامات پر 31,000 پولنگ اہلکار اپنے مقرر کردہ 3,327 پولنگ اسٹیشنوں پر پہنچ رہے ہیں۔ تریپورہ کے چیف الیکٹورل آفیسر (سی ای او) گیتے کرن کمار دنکر راؤ کے مطابق،24 خواتین سمیت  297 امیدواروں نے ، 2018 کے اسمبلی انتخابات میں حصہ لیا تھا۔