ہر ہندوستانی کے سر پر ہے 1.2 لاکھ روپے کا قرض: کانگریس

کانگریس نے 10 جون کو موجودہ مرکزی حکومت پر الزام عائد کیا کہ اس نے ہندوستانی معیشت کو بدحال کر کے رکھ دیا ہے۔ ساتھ ہی کانگریس نے کہا کہ موجودہ معاشی صورت حال کو لے کر مرکز کو وہائٹ پیپر جاری کرنا چاہیے۔ کانگریس ترجمان سپریا شرینیت نے ایک پریس کانفرنس کے دوران یہ مطالبہ کیا اور دعویٰ کیا کہ گزشتہ 9 سالوں میں ملک کا مجموعی قرض 55 لاکھ کروڑ روپے سے بڑھ کر 155 لاکھ کروڑ روپے ہو گیا ہے۔ سپریا شرینیت نے پریس کانفرنس میں مرکزی حکومت پر حملہ آور رخ اختیار کرتے ہوئے کہا کہ ’’آزادی کے بعد 67 سال میں جہاں 14 وزرائے اعظم نے مل کر 55 لاکھ کروڑ روپے کا قرض لیا، وہیں نریندر مودی جی نے اپنی 9 سال کی مدت کار میں اس کو تین گنا کر کے 155 لاکھ کروڑ روپے پہنچا دیا