ابوظبی، 17 اگست، 2023 (وام) ۔۔ 2022 میں ابوظہبی انٹرنیشنل ہنٹنگ اینڈ ایکوسٹرین نمائش کے آخری ایڈیشن میں شاہینوں کی نیلامی کی شاندار کامیابی کے بعد ایمریٹس فالکنرز کلب اس سال ایک خصوصی نیلامی کی تیاری کر رہا ہے۔نمائش کے گزشتہ ایڈیشن میں اسکی تاریخ کے سب سے مہنگے شاہین کی خریداری کا عمل دیکھا گیا جس میں سفید امریکی شاہین 1,000,000 درہم (تقریباً 275,000 ڈالر) سے زیادہ میں فروخت ہوا تھا۔
ایمریٹس فالکنرز کلب کے زیر اہتمام نمائش کا 20 واں ایڈیشن 2 سے 8 ستمبر 2023 تک ماحولیاتی ایجنسی ابوظہبی کی سرپرستی کے ساتھ منعقد کیا جائے گا۔ کیپٹیو بریڈ فالکن آکشن فالکنز اور فالکنری کے شوقین افراد کے لیے ایک اہم پرکشش مقام ہے اور افزائش کے فارموں اور مراکز کے مالکان کے لیے ایک قیمتی موقع ہے جو بہترین کارکردگی کا مظاہرہ کرنے والی انواع اور فالکن کی اقسام پیدا کرتے ہیں۔یہ نیلامی خطے اور دنیا بھر میں فالکن فارم انڈسٹری کے قیام میں نمائش کے کردار کو مضبوط بنانے میں بھی معاون ہے۔ گولڈ اسپانسر جرمن کمپنی SCHIWY ہے جبکہ سیکٹر اسپانسر Caracal International ایل ایل سی ہے۔سرکاری آٹو موٹیو پارٹنر اے آر بی ایمریٹس کے علاوہ بینکنگ پارٹنر ابوظہبی کمرشل بینک، ایکٹیویٹی پارٹنر الفورسان انٹرنیشنل اسپورٹس ریزورٹ، ایرینا اسپانسر اسمارٹ ڈیزائن ہے اور فیچر اسپانسر رائل ٹینٹ ہے۔مقامی پروڈکشن کے سرکردہ شاہینوں پر بولیاں 2 ستمبر 2023 کو پیش کی جائیں گی۔ نمائش میں پیش کیے گئے شاہینوں کے معیار اور اقسام کے ساتھ اس نمائش میں اب شکار اور مقابلہ بازی کے شاہینوں کا ایک بڑا گروپ شامل ہےجنہوں نے اپنی کارکردگی اور مخصوص صلاحیتوں کو ثابت کیا ہے۔2023 کی نیلامی میں ام جینیبا فارم کی طرف سے نیلامی کے سامعین کے لیے پیش کیے جانے والے فالکن ڈیلی ریفل ڈراز اور شرکاء کے لیے ریفل ڈرا سمیت نئی خصوصیات پیش کی جائیں گی۔ نیلامی کو ADIHEX سوشل میڈیا پلیٹ فارمز اور ویب سائٹس پر بھی براہ راست نشر کیا جائے گا۔اس نیلامی کا ہدف متحدہ عرب امارات کے اندر اور دنیا بھر کے مختلف ممالک سے اسیر نسل کے فالکن کے مالکان، افزائش کی سہولیات اور فارمز، فالکن نیلامی کے منتظمین، فالکن کے تاجر، متحدہ عرب امارات اور عرب خلیجی خطے میں فالکنرز اور تاجروں کو شامل کیا گیا ہے۔نیلامی کا مقصد نمائش کے تھیم، "پائیداری اور ورثہ… دوبارہ جنم لینے کی خواہش” کو بڑھانا اور مستند ورثے اور پائیدار شکار کے تحفظ اور ترقی میں ایمریٹس فالکنرز کلب کے کردار کو مضبوط بنانا ہے۔ یہ فالکن فارموں کے مالکان کی مدد اور حوصلہ افزائی کرنے کی بھی کوشش کرتا ہے کہ وہ قید میں پیدا ہونے والے بہترین فالکنوں کو بیچنے، خریدنے اور تیار کریں۔
ترجمہ: ریاض خان ۔