حمدان بن زاید کی زیرسرپرستی لیوا ڈیٹس فیسٹیول اور نیلامی شروع ہوگیا

الظفرہ ریجن میں حکمران کے نمائندے عزت مآب شیخ حمدان بن زاید آل نھیان کی زیرسرپرستی ابوظہبی امارت کے الظفرہ ریجن کے لیوا سٹی میں لیوا ڈیٹس فیسٹیول اور نیلامی کا دوسرا ایڈیشن آج جمعرات کو شروع ہوگیا جو 30 ستمبر تک جاری رہے گا۔
کلچرل پروگرامز اینڈ ہیریٹیج فیسٹیولز کمیٹی ابوظہبی کے زیر اہتمام اور امارات ہیریٹیج کلب کے تعاون سے منعقدہ فیسٹیول میں پہلے دن متحدہ عرب امارات سے 15 ٹن اور 748 کلو گرام لگژری کھجوریں لائی گئیں۔
فیسٹیول روزانہ سہ پہر4 بجے سے رات 10 بجے تک عوام کے لیے کھلا رہے گا،جس میں آگاہی سیمینار کے ساتھ ساتھ ہیریٹیج اور ایجوٹینمینٹ سرگرمیوں کا انعقاد کیا جارہا ہے۔