پی ایم مودی دہلی میں چیف سکریٹریوں کی کانفرنس کی صدارت کریں گے

نئی دہلی ۔ 27؍ دسمبر۔ ایم این این۔وزیر اعظم نریندر مودی جمعرات اور جمعہ کو یہاں قومی دارالحکومت میں چیف سکریٹریوں کی تیسری قومی کانفرنس کی صدارت کریں گے۔ یہ اس طرح کی تیسری کانفرنس ہے۔ پہلی جون 2022 میں دھرم شالہ میں اور دوسری جنوری 2023 میں دہلی میں منعقد ہوئی تھی۔ مرکزی اور ریاستی حکومتوں کے درمیان شراکتی حکمرانی اور شراکت داری کی حوصلہ افزائی کے لیے چیف سکریٹریوں کی اس طرح کی کانفرنسوں کا انعقاد کیا جاتا ہے۔ اس سال چیف سکریٹریوں کی قومی کانفرنس آج سے شروع ہوگی۔  تین  روزہ کانفرنس میں مرکزی حکومت کے نمائندوں، تمام ریاستوں اور مرکز کے زیر انتظام علاقوں کے چیف سکریٹریز اور دیگر سینئر عہدیداروں پر مشتمل 200 سے زائد افراد کی شرکت کا مشاہدہ کیا جائے گا۔ وزیر اعظم کے دفتر نے ایک پریس ریلیز میں کہا کہ "یہ دیہی اور شہری دونوں آبادیوں کے لیے حکومتی مداخلتوں کی فراہمی کے طریقہ کار کو مضبوط بنا کر زندگی کے بہتر معیار کو حاصل کرنے کے لیے باہمی تعاون کی بنیاد رکھے گا۔