مکہ مکرمہ ریجن کے نائب گورنر اور مرکزی حج کمیشن کے وائس چیئرمین شہزادہ سعود بن مشعل بن عبدالعزیز نے منیٰ میں امارہ کے صدر دفتر سے اس سال کے حج 1445 ہجری کی کامیابی کا اعلان کیا۔انہوں نے کہا کہ "اس سال کے فریضہ حج کی کامیابی اور خیریت کے ساتھ تکمیل پر ہم س اللہ کا شکر ادا کرتے ہیں کہ اس نے ہمیں ایک بار پھرحجاج کی میزبانی اور ان کے مناسک کی ادائی میں سہولیات فراہم کرنے کی توفیق عطا کی۔ہم سب کی اجتماعی اور انفرادی مساعی کے نتیجے میں مملکت نے حج سیزن کو پایہ تکمیل تک پہنچانے میں کامیابی حاصل کی۔ آج ہم فخر کے ساتھ اس سال حج کے موسم (1445ھ) کی کامیابی کا اعلان کرتے ہوئے خوشی ہو رہی ہے۔ اس عظیم فریضے کی کامیابی پر ہم اللہ کا جتنا شکر ادا کریں کم ہے۔
شہزادہ سعود نے اگلے سال کے حج کے سیزن کے انتظامات اور منصوبہ بندی کے فوری آغاز کا اعلان کیا۔ انہوں نے کہا کہ تمام سطحوں پر حاصل ہونے والی کامیابیاں صرف ایک نئے مرحلے کا آغاز ہیں تاکہ زیادہ سے زیادہ فوائد حاصل کیے جاسکیں۔ انشاء اللہ اگلے سال کے حج سیزن کے لیے فوری طور پر انتظامات اور منصوبہ بندی شروع کر دی جائے گی۔ ہم پورے حج کے نظام کی تیاری جاری رکھیں گے، کیونکہ ہمارے عزائم کی کوئی حد نہیں ہے اور ہماری امیدیں لامحدود ہیں۔
انہوں نے خدا کے ضیوف الرحمان اس سال حج کے موسم میں کام کرنے والے تمام لوگوں کا شکریہ ادا کرتے ہوئےان کی مساعی کو قدر کی نگاہ سے دیکھتے ہیں۔ حج سیزن کو کامیاب بنانے میں تعاون کرنے والے تمام اداروں، افراد اور رضا کاروں کا تہہ دل سے شکریہ ادا کرتے ہیں۔