چین کی نیشنل امیگریشن ایڈمنسٹریشن نے اعلان کیا کہ 12 جون 2025 سے انڈونیشیا کے شہری چین کی 240 گھنٹے کی ٹرانزٹ ویزا فری پالیسی سے فائدہ اٹھا سکیں گے جس سے چین کی 240 گھنٹے کی ٹرانزٹ ویزا فری پالیسی 55 ممالک تک بڑھا دی گئی ہے۔
اس وقت انڈونیشیا، روس اور برطانیہ سمیت 55 ممالک کے شہری بیجنگ اور شنگھائی سمیت 24 صوبوں (خود اختیار علاقوں اور میونسپلٹیز) کے 60 پورٹس میں سے کسی بھی موثر بین الاقوامی سفری دستاویزات ، کنفرم تاریخ اور نشستوں والی ٹکٹوں کے ساتھ ویزا کے بغیر چین میں داخل ہوسکتے ہیں اور مقررہ علاقے میں 10 دن سے کم دورانیہ کا قیام کرسکتے ہیں۔ قیام کے دوران ، وہ سیاحت ، کاروبار ، دوروں ، رشتہ داروں سے ملنے اور دیگر سرگرمیوں میں شریک ہوسکتے ہیں، جب کہ ملازمت،پڑھائی اور نیوز انٹرویو سمیت سرگرمیوں کے لیے پیشگی اجازت نامہ اورویزا لینے کی بدستور ضرورت ہے۔