جاپانی جارحیت کے خلاف چینی عوام کی مزاحمتی جنگ اور فسطائیت مخالف عالمی جنگ کی فتح کی 80 ویں سالگرہ کے موقع پر منعقدہ تقریبات کے پریس سینٹر نے 29 اگست کو ایک پریس کانفرنس کا انعقاد کیا۔ چینی گو مین تانگ پارٹی کی انقلابی کمیٹی کی مرکز ی کمیٹی ، چینی کسانوں اور مزدوروں کی جمہوری پارٹی کی مرکزی کمیٹی، چینی چی کونگ تانگ کی مرکزی کمیٹی،جیوسن سوسائٹی کی مرکزی کمیٹی سمیت جمہوری جماعتوں کے متعلقہ حکام نے جاپانی جارحیت کے خلاف مزاحمتی جنگ کے حوالے سے اپنے خیالات کا اظہار کیا۔ انہوں نے کہا کہ کمیونسٹ پارٹی آف چائنا کی رہنمائی اور مدد کے تحت جمہوری جماعتوں کے اسلاف نے کروڑوں چینی شہریوں کے ساتھ مل کر جانثاری سے جنگ لڑی ۔ کمیونسٹ پارٹی آف چائنا کا بنیادی کردار جاپانی جارحیت مخالف جنگ کی فتح کی کلید تھا۔ ایک نئے تاریخی نقطہ آغاز پر، چینی خصوصیات کی حامل سوشلسٹ سیاسی جماعتوں کے طور پر، تمام جماعتیں کمیونسٹ پارٹی آف چائنا کے ساتھ کھڑی ہوں گی،ایک مضبوط ملک کی تعمیر ، قومی وحدت اور قومی نشاۃ ثانیہ کے عظیم نصب العین کو مشترکہ طور پر آگے بڑھائیں گی۔
