جھارکھنڈ کی جھانکی مذہبی، تہذیبی اوروراثتی بنیاد پر مشتمل ہے 

نئی دہلی 23جنوری(پریس ریلیز)یوم جمہوریہ کے موقع پر دہلی کے راج پتھ کی جھانکی کا انتظار ملک کے ہر شہری کو ہوتا ہے ۔اس سال یوم جمہوریہ کے لیے محض دو دن ہی بچے ہیں،جس کی تیاری زور و شور سے چل رہی ہے۔خاص بات یہ ہے کہ اس بار راج پتھ میں بابا بیدھ ناتھ دھام کی جھانکی ہوگی ۔26جنوری پر جھاڑکھنڈ کے بابا بیدھ ناتھ دھام کی جھانکی کے انتخاب سے پوری ریاست میں جشن کا ماحول ہے۔26جنوری کو پریڈ کے دوران بیدھ ناتھ دھام اس بار کشش کا مرکز ہوگا۔سناتن مذہب کے ماننے والوں کا ایمان اور دنیا کے لیے کشش کا مرکز بابا بیدھ ناتھ دھام کی جھلک راج پتھ میں نظر آئے گی۔یوم جمہوریہ کے موقع پر راج پتھ پر ہونے والے جھانکیوں کے پیش کش میں اس بار جھارکھنڈ کے بابا بیدھ ناتھ دھام کو شامل کیا گیا ہے ،جس کو لیکردیو گھر کے ساتھ پورے جھارکھنڈ کے لوگوں میں خوشی اور عقیدت کا ماحول پیدا ہوا ہے۔دراصل اس مرتبہ راج پتھ پر دیگر ریاستوں کی جھانکی کے ساتھ جھارکھنڈ سے بابا مندر کی جھانکی کا انتخاب کیا گیا ہے ،جھانکی بنانے کا کام 20دن پہلے ہی شروع ہو گیا تھا۔جھانکی کی لیے بہترین کاریگروں کا انتخاب کیا گیا ہے،بابا مندر کے تیرتھ پروہت منوج مشرا جی کہتے ہیں کہ نئی دہلی میں یوم جمہوریہ کے موقع پر نکلنے والی جھانکیوں میں جھارکھنڈ میں بابا بیدھ ناتھ دھام کو دکھایا جائے اس میں دیو گھر میں ہو رہے ترقیاتی کاموں کو بھی دیکھایا گیا ہے۔اس جھانکی میں بھگوان برسا منڈا کے بارے میں بھی جانکاری دی گئی ہے اس سے ویدھ ناتھ دھام کی طرف لوگوں کا ذہن بنے گا اور لوگ وہاں کثیر تعداد میں شرکت کرنے لگے گیں۔اجئے نارائن مشرا کہتے ہیں کہ یوم جمہوریہ کے موقع پر راج پتھ پر نکلنے والی جھانکی میں دیو گھر کے بابا بیدھ ناتھ دھام کو شامل کرنے سے لوگوں کی عقیدت بڑھے گی اور لوگ وہاں گھومنے اور درشن کرنے آنے لگے گیں۔چونکہ جھانکی دیکھنے میں تمام مذاہب کے لوگ شامل ہوں گے ،دیو گھر کے تیرتھ پروہت پرمود کا ماننا ہے کہ یہ دیو گھر ہی نہیں پورے شمال مشرق کے لیے فخر کی بات ہے ،کیونکہ پورے شمال مشرق کا صرف ایک ہی بابا بیدھ ناتھ دھام ہے۔