شی جن پھنگ کا مستقبل کی صنعتوں کو ترقی دینے پر زور

کمیونسٹ پارٹی آف چائنا کی مرکزی کمیٹی کے سیاسی بیورو نے 30 جنوری  کو مستقبل کی صنعتوں میں پیش رفت اور اس کے امکانات کے حوالے سے 24ویں اجتماعی مطالعہ اجلاس کا انعقاد کیا۔سی پی سی مرکزی کمیٹی  کے جنرل سیکرٹری شی جن پھنگ نے اجلاس کی صدارت کرتے ہوئے کہا کہ سائنس و ٹیکنالوجی کے نئے انقلاب اور صنعتی تبدیلی کا عمل تیزی سے آگے بڑھ رہا ہے، نت نئی ٹیکنالوجیز مسلسل سامنے آ رہی ہیں اور مستقبل کی صنعتیں تیزی سے ابھر رہی ہیں۔انہوں نے اس بات پر زور دیا کہ ہمیں مضبوط ملک کی تعمیر اور قومی نشاۃ ثانیہ کے عظیم مقصد کو مدنظر رکھتے ہوئے اسٹریٹجک نقطہ نظر سے کام لینا ہوگا، معروضی حالات کی بنیاد پر اپنی برتریوں سے فائدہ اٹھانا ہوگا، استحکام کے ساتھ پیش رفت اور مرحلہ وار تربیت کے اصول پر عمل پیرا رہنا ہوگا، تاکہ ملک میں مستقبل کی صنعتوں کی ترقی کو مسلسل نئی بلندیوں تک پہنچایا جا سکے۔