الہ آباد – معروف خطیب اہل بیت جناب کاظم عابدی نے حضرت رہبر معظم کی شہادت پر ایک تعزیتی بیان میں کہا ہے کہ
رہبر معظم حضرت آیت اللہ سید علی حسینی خامنہ ای علیہ الرحمہ اور ان کے مقدّس کنبے کی شہادت روح فرسا سانحہ ہے۔ انہونے جس پا مردی و استقامت کے ساتھ جام شہادت نوش کیا وہ تاریخ عالم کے اوراق پر ثبت ہو گیا۔ آفریں سید قرشی پر جس نے اجداد کی سیرت کو روشن کر دیا۔ در حقیقت شہادت ہماری میراث ہے اور ماہ صیام شہر اللہ ہے۔ خون شہیداں کی سرخی اسلام کے چہرے کا غازاہ بن گئی۔ افسوس اس معرکئ خیر و شر میں بیشتر مسلم ممالک کا طریقہئ کار شرم ناک ہے۔ ہمیں یقین ہے کہ اللہ کی نصرت کے سہارے قبلہ اوّل کی واگزاری ہوگی اور مظلوم ملّت فلسطین پر ظلم و استبداد کا خاطمہ ہوگا۔ اس عظیم قربانی نے مجاہدین اسلام کی جرائت ایمانی کو تابناکی بخش دی۔ اللہ تعالیٰ مغفرت فرمائے، آمین۔
ہزاروں رحمتیں راہ خدا میں مرنے والے پر
حسین ابن علی کی یاد تازہ کرنے والے پر
– عرش ملسیانی