وزیر اعظم مودی نے کویت کے امیر سے بات کی

دونوں رہنماؤں نے مغربی ایشیا کی صورتحال پر تبادلہ خیال کیا
نئی دہلی۔ 9؍ جون۔ ایم این این۔وزیر اعظم جناب نریندر مودی نے آج ریاست کویت کے امیر عزت مآب شیخ مشعل الاحمد الجابر الصباح کے ساتھ ٹیلی فون پر بات چیت کی۔دونوں رہنماؤں نے مغربی ایشیا میں سیکیورٹی کی ابھرتی ہوئی صورتحال پر تبادلہ خیال کیا۔وزیر اعظم نے کشیدگی میں اضافے پر گہری تشویش کا اظہار کیا اور کویت کی خودمختاری اور علاقائی سالمیت پر حملوں کی ہندوستان کی سخت مذمت کی تصدیق کی۔وزیر اعظم نے امن و استحکام کی جلد از جلد بحالی کے لیے کشیدگی میں کمی، مذاکرات اور سفارت کاری کے مطالبے کا اعادہ کیا۔وزیر اعظم نے کویت میں بڑی ہندوستانی برادری کی مسلسل بہبود اور حفاظت پر ذاتی توجہ دینے کے لیے عزت مآب امیر کا شکریہ ادا کیا۔