اگر آپ کے کسی جاننے والے یا رشتہ دار نے ٹرین سے سفر کرنا ہو اور وہ ٹکٹ بک کرنے کے بعد اسے موبائل پر بھیج دے، تو کیا ایسا ٹکٹ قابلِ قبول ہوگا یا نہیں؟ کیونکہ حال ہی میں سوشل میڈیا پر ایک خبر گردش کر رہی ہے، جس میں دعویٰ کیا گیا کہ واٹس ایپ پر بھیجے گئے ٹکٹ کو ٹی ٹی ای نے نا قابل قبول قرار دے دیا اور مسافر پر جرمانہ عائد کر دیا۔ آئیے جانتے ہیں کہ اس بارے میں ہندوستانی ریلوے کا کیا ضابطہ ہے۔
ہندوستانی ریلوے کے تعلقاتِ عامہ کے افسر کے مطابق ڈیجیٹل ٹکٹوں کے غلط استعمال کو روکنے کے لیے ریلوے مسلسل مؤثر اقدامات کر رہا ہے۔ اگر آپ آن لائن ریزرو ٹکٹ بک کرتے ہیں تو اس کی پی ڈی ایف فائل ڈاؤن لوڈ کر سکتے ہیں اور سفر کے دوران ٹی ٹی ای کو یہ پی ڈی ایف دکھانے کے ساتھ ایک شناختی کارڈ بھی ضرور دکھانا ہوگا۔ تاہم، سفر کے دوران ٹی ٹی ای آن لائن ٹکٹ کے معاملے میں شناختی کارڈ کو تسلیم کرتا ہے۔ اس طرح ریزرو ٹکٹ کی پی ڈی ایف فائل کے ساتھ سفر کیا جا سکتا ہے۔