دبئی میں 2022 کے دوران آنے والے اوورنائٹ سیاحوں کی تعداد1کروڑ43لاکھ 60ہزار رہی،جو2021 کی72لاکھ 80ہزارکی تعداد سے سالانہ 97فیصد زیادہ ہے۔
دبئی کے محکمہ اقتصادیات و سیاحت (ڈی ای ٹی) کے شائع کردہ تازہ ترین اعداد و شمار کے مطابق سیاحوں کی اس تعداد کے ساتھ دبئی نےعالمی اور علاقائی سیاحت کی بحالی کی سطح کو پیچھے چھوڑتے ہوئے اپنے اقتصادی ایجنڈے ڈی 33 کے مقصد میں اہم کردار ادا کیا ہے،جسے نائب صدر، وزیر اعظم اور دبئی کے حکمران عزت مآب شیخ محمد بن راشد المکتوم،نے شروع کیا تھا۔دبئی کے ولی عہد اور دبئی ایگزیکٹو کونسل کے چیئرمین عزت مآب شیخ حمدان بن محمد بن راشد المکتوم کا کہنا ہے کہ دبئی کی سیاحتی ترقی کی صلاحیت کے عزت مآب شیخ محمد بن راشد المکتوم کے وژن امارت کو اہم شعبوں کے مستقبل کی تشکیل میں ایک اہم عالمی کھلاڑی میں تبدیل کرنے کے حوالے سے دور رس اثرات ہوں گے۔ 2022 میں سیاحوں کی تعداد میں غیر معمولی اضافہ دبئی کے اقتصادی ایجنڈے ڈی 33 کے 2033 تک امارات کی معیشت کے حجم کو دوگنا کرنے کے ہدف کے حصول میں اہم کردار ادا کریں گے۔عزت مآب نے کہا کہ سیاحوں کی آمد میں غیر معمولی اضافہ دبئی کے دنیا کے سب سے منسلک شہروں میں سے ایک کے طور پر مسلسل اضافہ اور مہمان نوازی کے بنیادی ڈھانچے اور خدمات کی سطحوں میں دنیا کی قیادت کرنے کے اس کے عزم کی عکاسی کرتا ہے۔ اعلیٰ ترقی دنیا پر یہ ظاہر کرتی ہے کہ ہم اپنی کامیابیوں پر رکتے نہیں بلکہ اپنے معیارات کو بڑھانے کے لیے مسلسل کام کرتے ہیں۔ مجھے یقین ہے کہ دبئی آنے والے سالوں میں عالمی سیاحت اور ٹریول کنیکٹیویٹی کی ترقی کے لیے اور بھی بڑا محرک ثابت ہو گا۔
2019 میں وبا کے اغاز سے پہلے 1کروڑ67لاکھ 30ہزار سیاحوں کی تعداد کے قریب پہنچتے ہوئے دبئی کی 2022 کی سیاحتی کارکردگی نے مسلسل دوسرے سال ٹرپیڈوائزر ٹریولرز چوائس ایوارڈز 2023 میں نمبر 1 عالمی منزل کے طور پر اپنی درجہ بندی کو مزید مستحکم کیا ہے۔اقوام متحدہ کی ورلڈ ٹورازم آرگنائزیشن (یو این ڈبلیو ٹی او) کے تازہ ترین اعداد و شمار کے مطابق 2022 میں دنیا بھر میں سیاحت کی غرض سے سفر 2019 کے مقابلے میں 37 فیصد کم رہا ہے۔
مشرق وسطیٰ میں نسبتاًسب سے مضبوط اضافہ ہوا، جہاں آنے والوں کی تعداد وباسے پہلے کی تعداد کے 83 فیصد تک پہنچ گئی۔ دبئی نے 2022 میں سیاحوں کی تعداد کے ساتھ بحالی کے عالمی اور علاقائی دونوں بیرومیٹر سے تجاوز کیا جو و سے پہلے کی سطح کے 86 فیصد تک پہنچ گیا۔دبئی کے محکمہ اقتصادیات و سیاحت کے ڈائریکٹر جنرل ہلال سعید المری نے کہا کہ نائب صدر، وزیر اعظم اور دبئی کے حکمران عزت مآب شیخ محمد بن راشد المکتوم کےدبئی کو دنیا کا سب سے بڑا ملک بنانے کے وژن کے مطابق 2022 میں ہماری کارکردگی پچھلے دو سالوں میں شہر کی غیر معمولی ترقی کو ظاہر کرتی ہے۔ دبئی سیاحت کی صنعت میں ایک واضح رہنما کے طور پر ابھرا ہے۔ مضبوط کارکردگی عالمی سیاحت کی بحالی میں دبئی کے بڑھتے ہوئے کردار کا ثبوت ہے۔
ہلال المری نے مزید کہا کہ ہماری حکمت عملی اور اقدامات کے اثرات ہمیں اگلی چند دہائیوں میں عالمی سفر اور کاروباری شعبوں میں ترقی کے نئے مواقع سے فائدہ اٹھانے کا اعتماد فراہم کرتی ہے۔ مشرق وسطیٰ میں سب سے تیزی سے ترقی کرنے والے شہر کے طور پر، دبئی کی مسلسل ترقی ہمارے اسٹیک ہولڈرز اور شراکت داروں کی غیر متزلزل حمایت اور سٹریٹجک سرمایہ کاری اور وفاقی پالیسی اصلاحات کی وجہ سے ممکن ہوئی ہے۔
دبئی کی بین الاقوامی منڈیوں کی رفتارمیں استحکام:
2022 میں مضبوط کارکردگی دبئی کی روایتی کلیدی منڈیوں میں کچھ قابل ذکر اضافہ اور ابھرتی ہوئی مارکیٹوں میں مضبوط ترقی کو نمایاں کرتی ہے۔ دبئی کی ستحکم مارکیٹوں سے آنے والوں کے لیے دبئی پہلی پسند کے طور پر محفوظ سفری مقام رہا۔علاقائی لحاظ سے مغربی یورپ اور جی سی سی خطوں میں سے ہر ایک سے آنے والے سیاحوں کی تعداد مجموعی تعداد کا 21 فیصد رہی۔خاص طور پر جی سی سی سے 2021 میں آنے والے سیاحوں کی 13 فیصد تعداد میں گزشتہ سال 21 فیصد تک اضافہ دیکھا گیا۔جنوبی ایشیا سے آںے والوں کی تعداد17 فیصد جبکہ مینا کے خطے سے 12 فیصد رہی۔براعظم امریکہ کا حصہ سات فیصد جبکہ شمالی ایشیا اور جنوب مشرقی ایشیا کے خطے اور افریقہ سے ہر ایک کا پانچ فیصد اور آسٹریلیا سے آنے والے سیاحوں کی تعداد دو فیصد رہی۔دبئی کارپوریشن فار ٹورازم اینڈ کامرس مارکیٹنگ کے سی ای او، عصام کاظم نے کہا کہ دبئی اکنامک ایجنڈا ڈی 33 کے مطابق دبئی تیزی سے ترقی کر رہا ہے تاکہ دبئی کو سیاحت اور کاروبار کے لیے دنیا کے تین بڑے شہروں میں سے ایک بنایا جا سکے۔ یہ نئے اور منفرد عالمی معیار کے بنیادی ڈھانچے، تجربات اور پرکشش مقامات کے ساتھ مزیر ترقی کے لیے پرعزم ہے۔ ہمارے پبلک اور پرائیویٹ سیکٹر کے اسٹیک ہولڈرز اور شراکت داروں کی غیر معمولی مدد بین الاقوامی مسافروں کی متنوع ترجیحات اور بجٹ کو پورا کرنے کے لیے ڈیزائن کی گئی بے مثال پیشکش کو ظاہر کرنے کی ہماری صلاحیت کو بڑھانے میں مددگار ثابت ہو گی، کیونکہ ہم 2023 میں دبئی آنے والے مزید سیاحوں کو خوش آمدید کہنے کے لیے تیار ہیں۔