اللہ کے مقدس گھر کے زائرین آج جمعہ کی صبح آٹھ ذی الحج 1445ھ کو ’یوم ترویہ‘ گذارنے کے لیے منیٰ پہنچنا شروع ہوگئے ہیں۔ لبیک الھم لبیک لا شریک لک لبیک کی تلبیہ کا ورد کرتے حجاج کرام سنت رسول ﷺ زندہ کرتے ہوئے منیٰ میں یوم ترویہ کے لیے جمع ہو رہے ہیں۔
اسلامی شریعت نے واضح کیا ہے کہ حجاج کا ترویہ کے دن احرام کی حالت میں منیٰ پہنچنا اور عرفات میں قیام کے لیے راستے میں رات گذارنا سنت ثابت ہے۔ عمرہ مکمل کرنے والے عازمین مکہ کے اندر ہوں یا باہر اپنی جگہوں پر احرام باندھ کر نکلتے ہیں۔ نوں ذی الحج کو طلوع آفتاب تک وہاں رہتے ہیں۔ اس کے بعد وہ عرفات کے لیے چل پڑتے ہیں۔ میدان عرفات میں رُکن اعظم کی ادائی کے بعد حجاج کرام دوبارہ منیٰ کے لیے روانہ ہوتے ہیں۔10،11،12 اور13 کو رات مزدلفہ میں گذارتے ہیں۔ حجاج کرام تین دن وہاں رمی جمرات کرتے ہیں۔منیٰ مکہ مکرمہ اور مزدلفہ کے درمیان واقع ہے۔ یہ مسجد الحرام کی حدود میں ہے جومسجد حرام سے شمالی اور جنوبی دونوں طرف سات کلو میٹر پہاڑوں سے گھری ہوئی ہے۔اس کے ایک طرف جمرہ عقبہ اور دوسری طرف مشعر مزدلفہ اور محسرواقع ہیں۔
سعودی پریس ایجنسی ’ایس پی اے‘ کے مطابق منیٰ کو ایک تاریخی اور مذہبی حیثیت حاصل ہے۔ یہ وہ مقام ہے جہاں حضرت ابراہیم علیہ السلام نے شیطان کو کنکریاں ماریں۔ اس کے بعد حضرت اسماعیل علیہ السلام کے بدلے قربانی دی۔ آخری پیغمبر حضرت محمد ﷺ نے حجۃ الوداع کے موقعے پر جد امجد حضرت ابراہیم کی سنتوں کو زندہ کیا اور حلق کرایا۔ اس کے بعد قیامت تک یہ ابدی سنتیں مسلمان ہر سال حج کے موقعے پر زندہ کرتے رہیں گے۔ مسلمان رمی جمرات کرتے ہیں، قربانی کے جانور ذبح کرتے اور سرکے بال منڈواتے ہیں۔